Ang Filipiniana

Ang kasuotang Filipiniana na makikitang suot ko dito.ay isang modernong kasuotan na sinusuot sa henerasyong ito. Ito ay kasuotang gawa ng ating mga ninuno at dating kilala sa tawag na Maria Clara dress. Hango ito sa kilalang karakter na si Maria Clara na Noli Me Tangere na akda ni bayaning Jose Rizal. Kaya ito tinawag na Maria Clara dahil maihahalintulad ito sa karakter ni Maria Clara sa libro na sumisimbolo sa kababaihang Filipina, kahinhinan, katatagan at may tiwala sa sariling kakayahan. Ito ay kasuotang baro at saya na may maluwag at mahabang manggas na ipinapares sa isang malapad at mahabang saya. Kadalasan ito ay may habang hanggang talampakan.

Ang mga kababaihang Filipino na makikita nating nagsusuot ng Filipiniana ay.madalas na makikita sa mga okasyong nagpapahalaga ng kultura nating mga Filipino. Isa na rito ang  SONA o State Of The Nations Address na ginagawa ng bawat Pangulo. Nagsusuot ang.mga kababaihan ng Filipiniana upang maipaabot ang mensahe na tulad ng gustong ipaabot din ng SONA. Ito ay ang kakayahan nating mga Filipino na makipagsabayan sa anumang larangan saan man sa mundo. Sumisimbolo din ito sa kakayahan ng bansa na tumayo at mabuhay, mangalaga ng kapaligiran, tumulong sa mga. nararapat abutan ng tulong, at pagpapakita na ang ating bans ay may kakayahang mababilang sa "first world status".

Isang mahalagang simbolo ng kulturang Filipino ang kasuotang Filipiniana. Sa kabila ng mga nagsusulputang modernong kasuotan, napakaganda pa ring tingnan lalong-lalo na sa mga espesyal na okasyon. Tumatawag ng pansin ang kulay at simpleng disenyo na animo ngsasabing ang nagsusuot din nito ay isang babaeng may tapat at tunay na pagmamahal sa bayan at sa buhay. Animo, may itinatago sa kasuotang ito na kahit balot man ang katawan ng nagsusuot, may tapang at tatag sa likod nito. Mahinhin at mayuming tingnan ang sumusuot ng Filipiniana pero kung kinakailangan ang Filipinang nagsusuot nito ay lumalaban sa lahat ng hamon ng buhay. Kahit anong pagsubok ang pinagdadaanan nating mga Filipino tayo ay hindi sumusuko at nakangiti pa ring lumalaban. Tulad ng Filipiniana, sa pagtuloy na pagdaan ng mga taon napapanatili nito ang kanyang kahalagahan at simbolismo. Di man sya naisusuot sa pang araw-araw nating pamumuhay, pero ang kasuotang ito ay namumukod tangi pa rin at napakagandang tingnan. Hindi pa rin matawaran ang ganda ng kababaihang Filipino.